छत्रपती संभाजीनगर: समृद्धी महामार्गावर भरधाव कार अज्ञात वाहनावर धडकून भीषण अपघात झाला. हा अपघात एवढा भीषण होता की चार चाकी वाहनाचा अक्षरशा चुराडा झाला. या अपघातामध्ये तीन जणांचा जागीच मृत्यू झाला आहे. हा अपघात अब्दीमंडी गावाजवळ मुरमुरा फॅक्टरी शेजारी मुंबई लेनवर येथील समृद्धी महामार्गावर शनिवारी रात्री १२ वाजेच्या सुमारास घडला.

शिवाजी थोरात (वय ५८ रा. द्वारका नगर हडको), राहुल आनंद निकम (वय ४७ रा. हडको), अण्णा रामराव मालोदे (वय ७१ रा. संजीवनी कॉलनी) असे अपघातामध्ये मृत्युमुखी पडलेल्या तिघांची नावं आहेत. याप्रकरणी मिळालेल्या माहितीनुसार, हे तिघेही शनिवारी रात्री एम एच २० ई ई ०७४५ प्रमाणपत्र चार चाकी वाहनाने छत्रपती संभाजीनगर येथून नाशिककडे नातेवाईकांना भेटण्यासाठी जात होते. संभाजीनगरवरुन निघाल्यानंतर अब्दी मंडी गावाजवळ मुरमुरा फॅक्टरी शेजारी मुंबई लेनवर समृद्धी महामार्गावर भरधाव वेगात असलेली कार अज्ञात वाहनाला पाठीमागून धडकली. हा अपघात एवढा भीषण होता की चार चाकी वाहनाचा यामध्ये अक्षरशा चुराडा झाला. यामध्ये कारमध्ये असलेल्या तिघांचा मृत्यू झाला.
उभ्या कंटेनरला स्विफ्ट कार धडकली, छप्पर उडालं, चारही बाजुने चक्काचूर, तिघांचा जागीच मृत्यू

पसार वाहनाचा पोलिस घेताय शोध

दरम्यान, समृद्धी महामार्गावर झालेल्या या भीषण अपघाताची माहिती मिळताच पोलिस आणि रुग्णवाहिका तात्काळ घटनास्थळी दाखल झाल्या. मृतांना तात्काळ रुग्णवाहिकेतून घाटी रुग्णालयात दाखल करण्यात आले. या अपघातात ज्या वाहनाला धडकून कारचा अपघात झाला ते वाहन घटनास्थळावरून पसार झालं होतं. सध्या पोलिस या वाहनाचा शोध घेत आहेत.



Source link

Leave a Reply

Your email address will not be published. Required fields are marked *