[ad_1]
सोशल मीडियावर या शोमशमधील एका महिला स्पर्धकाला ट्रोल करण्यात येत आहे. ही महिला शिक्षिका आहे. ती या शो मध्ये सहभागी झाली होती. तिला छत्रपती शिवाजी महाराजांसंदर्भातला एक प्रश्न विचारण्यात आला होता. पण या प्रश्नाचं उत्तर तिला देता आलं नाही. तिनं या प्रश्नाच्या उत्तरासाठी व्हिडिओ फ्रेंड ही लाइफ लाइन वापरली . शिक्षिका असूनही या प्रश्नाचं उत्तर न आल्यानं या महिलेला ट्रोल करण्यात येत आहे.
काय आहे प्रश्न?
छत्रपती शिवाजी महाराजांचा राज्यभिषेक सोहळा कोणत्या किल्ल्यावर झाला? असा प्रश्न या महिला स्पर्धकाला विचारण्यात आला होता. यासाठी चार पर्याय होते. A. प्रतापगड B: शिवनेरी C: सिंहगड D: रायगड असे हे चार पर्याय होते. या महिला स्पर्धकाला याचं उत्तर माहिती नसल्यानं तिनं व्हिडिओ फ्रेंड ही लाइफ लाइन वापरली.
शिक्षिकेला या प्रश्नाचं उत्तर न आल्यानं नेटकऱ्यांनी नाराजी व्यक्त केली आहे. छत्रपती शिवाजी महाराजांविषयीचा हा सोपा प्रश्न MSC B.ed शिक्षिकेला न आल्यानं सोशल मीडियावर चर्चा सुरू आहेत.
काय आहे उत्तर?
या प्रश्नाचं उत्तर D: रायगड असं आहे. मूळ रायरी नाव असलेला किल्ला छत्रपतींच्या काळात रायगड म्हणून ओळखला जाऊ लागला. सन १६५६मध्ये छत्रपती शिवाजी महाराजांनी हा किल्ला आपल्या ताब्यात घेतला. महाराजांनी याच किल्ल्यावर स्वराज्य स्थापनेचं स्वप्न पाहिलं. महाराजांचा राज्यभिषेक, समाधी, जगदिश्वराचे मंदिर, राजदरबार अशा अनेक महत्त्वाच्या ऐतिहासिक गोष्टी या किल्ल्यावर असल्यानं हा किल्ला महाराष्ट्राचे स्फूर्तिस्थान बनला आहे.
या शोमध्ये हॉटसीटवर बसल्यानंतर प्रत्येकालाच दडपण येतं. अनेक सेलिब्रिटींनीही या शोमध्ये हजेरी लावली होती. तेव्हा त्यांनी या हॉटसीटवर बसल्यानंतर भीती वाटून अनेकदा आपण गोंधळतो, असा अनुभव सांगितलाय.
[ad_2]
Source link