[ad_1]
उल्हासनगरच्या हिल लाईन पोलीस ठाण्यात गणपत गायकवाड आणि महेश गायकवाड पोहोचले होते. त्यांच्यात जमिनीचा वाद होता. गेल्या काही दिवसांत वाद विकोपाला गेला. हाच वाद सोडवण्यासाठी शुक्रवारी महेश गायकवाड आणि गणपत गायकवाड पोलीस ठाण्यात गेले होते. तिथेही वाद शमला नाही. गणपत गायकवाड यांनी महेश गायकवाड यांच्यावर गोळ्या झाडल्या. महेश गायकवाड यांची प्रकृती स्थिर आहेत. हिल लाईन पोलिसांनी या प्रकरणात गणपत गायकवाड, हर्षल केणे, संदीप सर्वांकर या तिघांविरोधात गुन्हा दाखल करुन त्यांना अटक केली आहे.
निवडणुकांसाठी गुंडांना जामिनावर सोडलं; रामावर हक्क सांगता, तर कायद्याचं राज्य कधी? राऊतांचे फडणवीसांना सवालभाजप आमदार गणपत गायकवाड यांनी मुख्यमंत्री एकनाथ शिंदेंवर अनेक गंभीर आरोप केले आहेत. होय, मी गोळाबार केला. मला माझ्या कृत्याचा कोणताही पश्चाताप नाही. मुख्यमंत्र्यांनी मला गुन्हेगार बनवलं. एकनाथ शिंदेंच मुख्यमंत्रिपदी राहणार असतील तर राज्यात गुन्हेगारांचं राज्य येईल, अशा शब्दांत गायकवाड यांनी थेट शिंदेंना लक्ष्य केलं. त्यांनी देवेंद्र फडणवीस यांच्याबद्दल नाराजी बोलून दाखवली.
गणपत गायकवाड नेमके कोण?
गणपत गायकवाड विधानसभेत कल्याण पूर्व मतदारसंघाचं प्रतिनिधीत्व करतात. २००९ पासून ते आमदार आहेत. २००९ मध्ये शिवसेनेच्या उमेदवाराचा २४ हजार ४८६ मतांनी पराभव करत गायकवाड पहिल्यांदा आमदार झाले. त्यावेळी ते अपक्ष लढले होते. त्या निवडणुकीत कल्याण पूर्वेत शिवसेना दुसऱ्या, तर काँग्रेस तिसऱ्या क्रमांकावर राहिली.
भाजप-शिंदे गटात भडका, गोळीबारानंतर गणपत गायकवाड यांचे मुख्यमंत्र्यांवर गंभीर आरोप
२०१४ मध्ये गणपत गायकवाड यांनी पुन्हा अपक्ष म्हणून निवडणूक लढवली. त्यावेळी शिवसेना, भाजपची युती तुटली होती. या निवडणुकीत गायकवाड यांनी सेनेच्या उमेदवाराचा ७४५ मतांनी पराभव केला आणि दुसऱ्यांदा विधानसभा गाठली. या निवडणुकीत भाजपचा उमेदवार तिसऱ्या क्रमांकावर होता. २०१९ मध्ये गायकवाड भाजपच्या तिकिटावर लढले. त्यांनी अपक्ष उमेदवार धनंजय बोदारे यांचा १२,२५७ मतांनी पराभव केला.
दोन्ही उपमुख्यमंत्र्यांशी जवळीक, शिंदेंशी थेट पंगा
तीन टर्म आमदार असलेले गणपत गायकवाड यांचे दोन्ही उपमुख्यमंत्र्यांशी म्हणजेच देवेंद्र फडणवीस आणि अजित पवार यांच्याशी चांगले संबंध आहेत. गायकवाड मोठे उद्योजक आहेत. त्यांचा मुलगा वैभव भाजपमध्ये कल्याण जिल्हा युवक अध्यक्ष पदावर आहे.
शिंदेंनी बंड केलं. ते मुख्यमंत्री झाले. त्यानंतर गणपत गायकवाड यांनी अनेकदा शिंदे पितापुत्रांना लक्ष्य केलं. भाजपनं कल्याण लोकसभेची जागा लढवावी. भाजपचा उमेदवार इथून सहज निवडून येईल, अशी भूमिका ते सातत्यानं घेत आहेत. कल्याण लोकसभेतून एकनाथ शिंदेंचे पुत्र श्रीकांत शिंदे दोनवेळा निवडून गेले आहेत. पण ही जागा भाजपनं घ्यावी अशी मागणी करत गायकवाड थेट शिंदे पितापुत्रांना टार्गेट करत आहेत.
[ad_2]
Source link