अहमदनगर : पारनेर तालुक्यातील खातगाव टाकळी या छोट्या गावातील योगिता नरवडे हिनं कमाल केली आहे. भारतीय सांख्यिकी सेवा म्हणजेच आयएसएस परीक्षेत देशपातळीवर तिनं १३ वा क्रमांक मिळवला आहे. वडिलांचं छत्र हरपलं तरी खचून न जाता तिने जोमाने अभ्यास केला आणि दुसऱ्या प्रयत्नात बाजी मारली. चुलते लहू नरवडे यांनी योगिता हिला हवी ती मदत केली , तिने आधिकारी व्हावं म्हणून तिला योग्य मार्गदर्शन करत शिकवलं. आता योगितानं आपल्या आई वडिलांसह काकांचं स्वप्न पूर्ण केलं.

केंद्रीय लोकसेवा आयोगातर्फे घेण्यात आलेल्या भारतीय सांख्यिकी सेवा परीक्षा (आयएसएस) २०२३ मध्ये नगर तालुक्यातील खादगाव टाकळी येथील शेतकरी कुटुंबातील योगिता अंकुश नरोडे हिनं १३ वी रँक मिळवत उत्तुंग यश संपादन केले. या यशाबद्दल योगिता नरवडे हिचा ठिकठिकाणी सत्कार करण्यात आला.

केंद्रीय लोकसेवा आयोगाने २०२३ मध्ये घेतलेल्या भारतीय आर्थिक सेवा (आयएसएस) परीक्षेचा निकाल गुरुवारी संकेतस्थळावर जाहीर केला. या शेतकरी कुटुंबातील योगिता नरवडे हिने देशात १३ वा रँक मिळवली.

‘आज मेहनतीचं चीज झाल्याचा आनंद’, मुंबई विद्यापिठात मुग्धा वैशंपायनची गोल्डन कामगिरी
योगिता हिचे प्राथमिक आणि माध्यमिक शिक्षण खादगाव टाकळी येथील जिल्हा परिषदेच्या शाळेत झाले तर अकरावी आणि बारावी रेसिडेन्शियल कॉलेज येथे पूर्ण केले. संख्याशास्त्र विषयात पदवीचं शिक्षण तिनं अहमदनगर कॉलेज येथे घेतले. सावित्रीबाई फुले पुणे विद्यापीठातून तिनं संख्याशास्त्रातील पदव्युत्तर शिक्षण पूर्ण केले.
बारावीच्या परीक्षेत तीन वेळा अपयश; पडेल ते काम केलं, संघर्षावर मात करत तरुण बनला नौसेना टेक्निशियन
योगिता नरवडे नववीमध्ये शिकत असताना तिचे वडील अंकुश नरवडे यांचा मृत्यू झाला. यानंतर काका लहू नरवडे यांनी योगिता हुशार असल्याने स्वतःच्या घरी ठेवून उच्च शिक्षण दिले.योगिता हिच्या आई मीना नरवडे या घरकाम व शेतीकाम करतात.योगिताचं उच्च शिक्षण पूर्ण झाल्यावर काका लहू नरवडे यांनी तिला स्पर्धा परीक्षेची तयारी करण्याचा आग्रह धरला.

खासदारकी काळातल्या आठवणी ते जनतेने टाकलेला विश्वास, सतराव्या लोकसभेतील सुप्रिया सुळेंचं शेवटचं भावुक भाषण!

Read Latest Maharashtra News And Marathi News

योगिता हिने अधिकारी होण्याचे स्वप्न बाळगले व अभ्यासात खंड पडू न देता अखेर २०२३ मध्ये यूपीएससीने घेतलेल्या (आयएसएस) परीक्षेत यश मिळवलं. नुकत्याच झालेल्या आरबीआयच्या परीक्षेत देखील ती उत्तीर्ण झाली. काका लहू नरवडे यांनी भरपूर पाठिंबा दिला आणि मार्गदर्शन केले असल्याची भावना योगिता नरवडे हिने व्यक्त केली आहे.



Source link

Leave a Reply

Your email address will not be published. Required fields are marked *