[ad_1]
ही गोष्ट घडली ती ३१ व्या षटकात. ऑस्ट्रेलियाच्या २५४ धावांचा पाठलाग करत असताना भारताची सुरुवात चांगली झाली नाही. अर्शीन कुलकर्णी लवकर बाद झाला. मुशीर खानने २२ धावा केल्या आणि तोही तंबूत परतला. त्यानंतर कर्णधार उदय सहारन आणि सचिन धस हे महत्वाचे खेळाडू बाद झाले. त्यामुळे भारताचा डाव अचडणीत आला होता. पण तरीही भारताला विजयाची आशा दाखवत होता तो आदर्श सिंग. कारण सुरुवातीपासून आदर्श हा सुरुवातीपासून संयतपणे फलंदाजी करत होता. भारताचे एकामागून एक विकेट्स पडत होते. पण तरीही आदर्श हा खेळपट्टीवर तग धरून होता. ऑस्ट्रेलियाच्या विजयाचा मार्गात तो मोठा अडसर होता आणि दुसरीकडे भारताच्या विजयाची आस त्याच्यावर होती. आदर्श हा अर्धशतकाच्या जवळ आला होता. आदर्श अर्धशतक झळकावून आक्रमक फटकेबाजी करेल, असे वाटत होते. पण ३१ व्या षटकात भारताला मोठा धक्का बसला. ऑस्ट्रेलियाकडून हे षटक माहिल बेअर्डमन टाकत होता. कारण ३१ व्या षटकाच्या तिसऱ्या चेंडूंवर आदर्श हा मोठा फटका मारण्यासाठी गेला. त्याचा हा फटका जर बरोबर लागला असता तर त्याचे अर्धशतक पूर्ण होऊ शकले असते. पण यावेळी आदर्शचे टायमिंग चुकले. त्यामुळे त्याला अचूक फटका मारता आला नाही. त्यावेळी चेंडूने आदर्शच्या बॅटची कडा घेतली आणि तो माघारी गेला. यावेळी ऑस्ट्रेलियाचा यष्टीरक्षक रायन हिक्सने कोणतीही चूक केली नाही. कारण त्यांना ही चूक परवडणारीही नव्हती. कारण त्यांच्या मार्गात मोठा अडथळा असलेल्या आदर्शचा हा झेल होता. त्यामुळे हिक्सने झेल टिपला आणि आदर्शला बाद व्हावे लागले. यावेळी भारतासाठी हा मोठा धक्का होता. कारण आदर्श खेळपट्टीवर तग धरून बसलेला होता आणि विजयाची जबाबदारी त्याच्यावर होती. त्यामुळे आदर्श जेव्हा बाद झाला तिथेच भारताचा पराभव होणार ही गोष्ट निश्चित झाली. त्यानंतर अभिषेक मुरुगनने ऑस्ट्रेलियाच्या गोलंदाजीचा सामना केला खरा. मुरुगनने चांगल्या धावाही जमवायला सुरुवात केली होती. पण तोपर्यंत ऑस्ट्रेलियाचा संघ भारतावर भारी पडलेला होता आणि त्यांनी विजयाचा मार्ग पकडला होता.
भारतीय संघाला या सामन्यात चांगली फलंदाजी करता आली नाही. त्यामुळेच भारताला या अंतिम फेरीत पराभव पत्करावा लागला.
[ad_2]
Source link